Titorías de 6º Infantil - Actividades

Nas rutinas diarias, tocáronnos os BITS dos réptiles, e entrounos unha curiosidade enorme sobre este tipo de animais.

Puxémonos mans á obra: Fomos á biblioteca e buscamos libros sobre lagartos, tartarugas, crocodilos e serpes.

Tendo moitas dúbidas, os Natalitos decidiron investigar aos lagartos, os Jesusitos, ás serpes e os Iriños, aos crocodilos.

Cada unha das nenas e nenos pediron axuda ás súas familias para buscar información algo máis concreta sobre o tema elixido.

Tendo toda a información recadada clasificámola e agora tócanos organizala e ordeala para poderlles explicar aos nosos compañeiros e compañeiras das outras clases todo o aprendido.

Ademais, esta semana, na biblioteca estábanos esperando unha gran sorpresa: Pedro Galán Regalado, zoólogo experto en herpetoloxía, veunos contar as principais diferenzas destes animais, resolveunos dúbidas e tróuxonos un pequeno lagarto que puidemos tocar.

Grazas, Pedro, pola túa visita!

Seguiremos investigando e informándovos dos nosos avances.

Os alumnos de 6º de E. Infantil.